Basic Filipino or Tagalog Words

photo credits: https://ofwonline.info/mahal-na-mahal-kita-i-love-you-so-much/

Basic Filipino or Tagalog Words

Here are a few of basic Filipino -Tagalog Words you might want to know translated in English.

SALAMAT - THANK YOU

Kamusta?- How are you?

 Oo - Yes.

 Hindi - No. Not.

 Ako - I. Me.

 Ikaw - You.

 Sarap! - Delicious!

 Paumanhin - Sorry, excuse me.

 Paalam - Farewell.

Or informally say

“Ba-bay” - Goodbye.

 po (marker of respect in phrases and sentences)

When speaking in Tagalog to someone older than you, add po to words, phrases and sentences.

 Salamat po. - THANK YOU

 Kamusta po? - HOW ARE YOU?

 Hindi po. - NO, NOT

 Ako po. - I, ME

An exception would be  Opo, which is the polite form of Oo.

ANG LOLA - TULA

photo credit: http://philippinereporter.com/ by Fabian Espiritu Jr.

ANG LOLA

Ni Rolando Tinio

Nakapuwesto sa paboritong lugar,

parang nakakuwadro sa bentanilya ng kumidor, inis

sa inaaninaw ang di makilalang alas sais—

areglado nang umandar.

Hinaharap ang lahat na dapat magsipanik na ng bahay:

mga lasenggo’t sugarol, imbi’t tampalasan, mga tarantado

silang wala nang inatupag kundi maglandian sa lansangan.

Pati na yata ang araw na di pa kursunadang pagbigyan

ang nagririnyegong karimlan.

Walang awat silang kinakatkatan ng Lola

gayung-kasi’y may pagkauliyanin na —

hindi na matandaan kung sinu-sino sila.

Hindi na matandaan ang puno’t dulo ng paghihimagsik

na parang atakeng nandiyan na lang tuwing alas sais.

Orasyon — biro namin — panatang walang hanggan

nang di raw mapariwara ang kaluluwa ng lansangan.

At ayaw gambalain ang mga litanya,

tahimik ang Ate sa pamamalantsa.

Nagdidilim ang mukha. Maaga pa naman daw,

ayaw pang gaasan ang ilaw.

At ang Nanay, napisikan yata ng mantika,

marahang tinatangisan ang pinipritong hasa-hasa.

At si Bulilit, pagkahatid ng tatal sa kusina,

nakangising naupo sa sala,

minataan ang abuwela.

Siguro’y alas sais medya na.

Kahit tapos na ang mga seremonya,

nakadambana pa rin ang da-matan sa bentanilya.

Nahapo rin pala:

napikit ang mga mata, nalaglag ang panga,

ika nga’y bumunot sa dibdib ng buntong hininga —

parang humanda namang atupagin

ang di masansalang pagdidilim.

TULA PARA SA BAYAN - TAGALOG

Isang Tula sa Bayan

ni Marcelo H. Del Pilar

Sa iyong kandungan tinubuang lupa,

pawang nalilimbag ang lalong dakila;

narito rin naman ang masamang gawa

na ikaaamis ng puso’t gunita.

Ang kamusmusan ko kung alalahanin,

halaman at bundok, yaman at bukirin;

na pawang naghandog ng galak sa akin,

ay inaruga mo, bayang ginigiliw.

Ipinaglihim mo nang ako’y bata pa,

ang pagdaralitang iyong binabata;

luha’y ikinubli nang di mabalisa,

ang inaandukha mong musmos kong ligaya.

Ngayong lumaki nang loobin ng langit,

maanyong bahagya yaring pag-ibig

magagandang nasa’y tinipon sa dibdib

pagtulong sa iyo, bayang iniibig.

Ngayon na nga lamang, ngayon ko natatap

ang pagkafusta mo’t naamis na palad;

sa kaalipinan mo’y wala nang mahabag,

gayong kay raming pinagpalang anak!

Sa agos ng iyong dugo ipinawis,

marami ang dukhang agad nagsikinis,

samantalang ikaw, Bayang iniibig,

Ay hapung-hapo na’t putos ng gulanit.

Santong matuwid mo ay iginagalang

ng Diyos na lalong makapangyarihan

na siya na dapat na magbigay-dangal,

bagkus ay siya pang kinukutyang tunay.

Ngunit mabuti rin at mapupurihan,

Sa paghahari mo itong pamamayan,

Sapagkat nakuhang naipaaninaw,

Na dito na ang puno’y di na kailangan.

Kung pahirap lamang ang ipadadala

Ng nangagpupuno sa ami’y sukat na;

Ang hulog ng langit na bagyo’t kolera,

Lindol, beriberi’t madla pang balisa.